VISITA ESPECIAL!

Hoxe tivemos unha visita moi especial no cole: 

OS REIS MAGOS

Entregámoslles unha postal cos nosos mellores desexos e posamos con eles.

Fíxonos moita ilusión.

BO NADAL FAMILIAS!

CHEGA O NADAL!

 Estamos de celebración, chega o Nadal!!!

Nas aulas de 3 anos convertémonos en artistas e realizamos postais, árbores de Nadal, estrelas,...

Nas seguintes fotos podedes ver o proceso e o resultado.

VOLCÁN

 Nas aulas de 3 anos non quixemos deixar a oportunidade de traballar un pouco a temática dos volcáns dada a actualidade na que nos atopamos coa erupción do volcán da Palma.

Nestas imaxes podedes observar como realizamos un experimento no que fixemos erupcionar un volcán.

 

Tamén realizamos algún traballiño sobre a temática.

 

ANIVERSARIOS NOVEMBRO

 Este mes estiveron de aniversario Irma, Enma e Abril.

Os nosos mellores desexos para elas.

Moitos parabéns!

DÍA CONTRA A VIOLENCIA

Este xoves, celebramos o "Día Internacional para a Eliminación da Violencia contra a Muller".

Nas clases de 3 anos decoramos uns globos con palabras bonitas que colocamos nun mural realizado entre todo o alumnado do centro, baixo a imaxe dun "Paraugas pola Igualdade".

Durante o recreo tamén gardamos un minuto de silencio, despois de escoitar un breve manifesto.

 

CÉ ORQUESTRA PANTASMA

O pasado venres 19, foi un día moi divertido, tivemos a actuación especial, a de "Cé Orquestra".

 

 Encantounos! 

 

DÍA DO PEÓN

Esta semana estivo moi presente a celebración do "Día do Peón".

Nas seguintes fotos podedes observar como preparamos o noso "bailarte" e como festexamos o día. 

 

CONCERTO MÚSICA TRADICIONAL

O pasado 4 de novembro, viñeron a visitarnos Andrea e Fransy que pertencen á Asociación " O Castro".

Agasalláronnos cun concerto moi especial, de música tradicional galega acompañada duns instrumentos "atípicos" (botellas de anís, latas, piñas, culleres, cunhas, sachos,... ademais de pandeiras e pandeiretas).

Grazas á ANPA por subvencionar esta actividade.

SAMAÍN

 O venres 29 de outubro celebramos o SAMAÍN.

Para a celebración  puidemos vir disfrazados da casa, nas fotos podedes ver o guapos e guapas que viñemos.

E durante toda a semana preparamos un mural para adornar a porta da nosa clase, cunhas arañas "terroríficas". E grazas á colaboración das familias completamos a ambientación cunhas cabazas moi chulas.

 

Moitas grazas pola colaboración, familias.

O NOSO BOSQUE EN OUTONO

 Coa chegada do outono, visitamos o noso bosque para recoller follas e froitos do outono.

Deixámosvos unhas fotos para que vexades como o pasamos.

Agora tocará o traballo na aula con todo este material.

ANIVERSARIOS OUTUBRO

Este mes estiveron de aniversario Noa Villar e Sabela.

Os nosos mellores desexos para elas.

Moitos parabéns!!!

PRIMEIRAS EXPERIENCIAS NA AULA

Deixámosvos algunhas imaxes dos primeiros días no cole, no período de adaptación.