ÚLTIMOS DÍAS

 Xa estamos todos de vacacións,esperamos que o esteades pasando ben.

Nas seguintes fotos podedes observar algunhas actividades dos últimos días.

 

 

BO VERÁN!!!!!

ANIVERSARIOS XUÑO, XULLO E AGOSTO

 Este último mes do curso, celebramos os aniversarios de Aroa e Carmen.

Tamén estaba previsto celebrar os aniversarios de Martina e Lucas Cazón, esta vez non puido ser, esperamos poder celebralo tod@s xunt@s en setembro.

Parabéns!

SAÍDA Á PRAIA

 O martes, volvemos de excursión, esta vez visitamos a praia da Ribeira, que se atopa moi preto do noso cole.

Foi un día xenial,  comezamos cunha merenda con vistas ao mar para despois divertirnos xuntos xogando na area.

No seguinte vídeo, podedes observar algunhas fotos da saída.

SAÍDA Á PRAIA de laprofelorena 

FOMOS PEREGRINOS

 A semana pasada, volvémonos a converter en peregrinos (esta vez de peregrinos "modernos"), para realizar un pequeno tramo do Camiño de Santiago, dende Bañobre ata o albergue de Miño que se atopa ao lado do noso cole.

Despois de tanto andar paramos no parque de Telle onde repoñemos forzas e xogamos un pouco.

Pasámolo moi ben na andaina observando a natureza, coñecendo a peregrinos de verdade que falaban en diferentes idiomas e o máis importante pasando unha xornada diferente cos nosos compañeiros e compañeiras.

No seguinte vídeo podedes observar un pequeno resumo do noso día.

CAMIÑO DE SANTIAGO de laprofelorena

ATA PRONTO IRMA!

Hoxe, cando chegamos ao cole, sorprendémonos moito cunha noticia. 

A nosa compañeira Irma, ten que cambiar de cole, ímola estrañar moitísimo. 

 E para que sempre se acorde de nós decidimos prepararlle entre todos un pequeniño agasallo.

Desexámosche moitísima sorte no novo cole .

Ata pronto peque!!

ANIVERSARIOS MAIO

Este mes estiveron de aniversario Vera, Marina e Teo.

Moitos parabéns peques!

   

LETRAS GALEGAS 2022

 O 17 de maio celebrouse o día das Letras Galegas, este ano adicado a Florencio Delgado Gurriarán.

Para a súa conmemoración no centro, tivemos un concerto de música tradicional, por parte da Asociación de Miño " O Castro".

Na seguinte presentación podedes observar algunhas fotos da celebración e un pequeno vídeo da actuación na que participaron as nosas compis Noa Varela (tocando o bombo) e Valeria (tocando o tambor).

LETRAS GALEGAS 2022 de laprofelorena

Moitas grazas á Asociación Castro, encantounos.

OS MAIOS

Hoxe celebramos "OS MAIOS" no cole.

Podiamos traer flores, verde, follas,... para entre todos e todas realizar o noso maio.

Podedes observar o resultado.

 

Grazas ás familias pola colaboración.

DÍA DO LIBRO

 Este sábado 23 de abril foi o "Día do Libro"

Durante a semana pasada creamos un marcapáxinas para celebralo. Aproveitando o proxecto que vamos comezar sobre " O Camiño de Santiago", foi un peregrino o debuxo elixido para decoralo, co lema "Bo Camiño".

Hoxe, aproveitando a proposta do Equipo de Dinamización da Lingua Galega de "Ler ao aire libro", decidimos ler o conto na entrada ao centro.

E para rematar a celebración, un pouquiño de música.

OS NOSOS TRABALLOS

Rematamos o trimestre e toca levar os traballiños para ensinarllos ás nosas familias. 

Que emoción!

Nas seguintes fotos podedes observar as portadas e contraportadas dos nosos libriños e algúns momentos de traballo.

Gozade das vacacións e a cargar enerxías para a volta.

ANIVERSARIOS ABRIL

 Este mes estiveron de aniversario Noa Varela, Antón e Pedro.

Xa 4 aniños, que maiores!

Parabéns!

VISITA AQUARIUM FINISTERRAE

O pasado venres 25, fomos de excursión!

Visitamos a "CASA DOS PEIXES" de Coruña.

A emoción xa comezou coa subida ao autobús (a primeira viaxe en autobús para moitos e moitas de nós), para continuar con todo o que puidemos observar no Acuario, peixes, polbos, ourizos, estrelas de mar,... Pero sen dúbida dous dos momentos máis emocionantes foron cando vimos as focas e a quenlla Gastón.

Pasámolo xenial!!!

EXCURSIÓN AQUARIUM FINISTERRAE de laprofelorena

ANIVERSARIOS MARZO

Este mes estiveron de aniversario Canela, Noa, Aritz e Martín.

Que maiores!

 

Parabéns!

EXPERIMENTO: FACEMOS NEVE

 Nas aulas de 3 anos, aproveitando todo o que estamos a aprender co noso proxecto sobre o inverno, fixemos un experimento que nos encantou, FIXEMOS NEVE! 

 

Pasámolo xenial! 

DÍA INTERNACIONAL DA MULLER

 Hoxe, 8 de marzo, celebramos o "Día Internacional da Muller".

Nas clases de 3 anos contamos o conto "Rosa caramelo" e fixemos unhas pulseiras moi chulas para a conmemoración deste día tan importante.

 

No seguinte vídeo podedes ver o conto que traballamos na clase.

FIN DO ENTROIDO

 O venres celebramos o último día de Entroido e puidemos vir vestidos co noso disfrace preferido. 

Ademais rematamos as nosas máscaras que realizamos ao longo de todo o Entroido.

 Mirade que ben posamos nas aulas de 3 anos.