jueves, 2 de junio de 2022

FOMOS PEREGRINOS

 A semana pasada, volvémonos a converter en peregrinos (esta vez de peregrinos "modernos"), para realizar un pequeno tramo do Camiño de Santiago, dende Bañobre ata o albergue de Miño que se atopa ao lado do noso cole.

Despois de tanto andar paramos no parque de Telle onde repoñemos forzas e xogamos un pouco.

Pasámolo moi ben na andaina observando a natureza, coñecendo a peregrinos de verdade que falaban en diferentes idiomas e o máis importante pasando unha xornada diferente cos nosos compañeiros e compañeiras.

No seguinte vídeo podedes observar un pequeno resumo do noso día.

CAMIÑO DE SANTIAGO de laprofelorena

jueves, 26 de mayo de 2022

ATA PRONTO IRMA!

Hoxe, cando chegamos ao cole, sorprendémonos moito cunha noticia. 

A nosa compañeira Irma, ten que cambiar de cole, ímola estrañar moitísimo. 

 E para que sempre se acorde de nós decidimos prepararlle entre todos un pequeniño agasallo.

Desexámosche moitísima sorte no novo cole .


Ata pronto peque!!

lunes, 23 de mayo de 2022

miércoles, 18 de mayo de 2022

LETRAS GALEGAS 2022

 O 17 de maio celebrouse o día das Letras Galegas, este ano adicado a Florencio Delgado Gurriarán.

Para a súa conmemoración no centro, tivemos un concerto de música tradicional, por parte da Asociación de Miño " O Castro".

Na seguinte presentación podedes observar algunhas fotos da celebración e un pequeno vídeo da actuación na que participaron as nosas compis Noa Varela (tocando o bombo) e Valeria (tocando o tambor).

LETRAS GALEGAS 2022 de laprofelorena

Moitas grazas á Asociación Castro, encantounos.

miércoles, 4 de mayo de 2022

OS MAIOS

Hoxe celebramos "OS MAIOS" no cole.

Podiamos traer flores, verde, follas,... para entre todos e todas realizar o noso maio.

Podedes observar o resultado.



 
Grazas ás familias pola colaboración.

lunes, 25 de abril de 2022

DÍA DO LIBRO

 Este sábado 23 de abril foi o "Día do Libro"

Durante a semana pasada creamos un marcapáxinas para celebralo. Aproveitando o proxecto que vamos comezar sobre " O Camiño de Santiago", foi un peregrino o debuxo elixido para decoralo, co lema "Bo Camiño".


Hoxe, aproveitando a proposta do Equipo de Dinamización da Lingua Galega de "Ler ao aire libro", decidimos ler o conto na entrada ao centro.


E para rematar a celebración, un pouquiño de música.

viernes, 8 de abril de 2022

OS NOSOS TRABALLOS

Rematamos o trimestre e toca levar os traballiños para ensinarllos ás nosas familias. 

Que emoción!

Nas seguintes fotos podedes observar as portadas e contraportadas dos nosos libriños e algúns momentos de traballo.



Gozade das vacacións e a cargar enerxías para a volta.

ANIVERSARIOS ABRIL

 Este mes estiveron de aniversario Noa Varela, Antón e Pedro.

Xa 4 aniños, que maiores!







Parabéns!