O pasado venres 25, fomos de excursión!
Visitamos a "CASA DOS PEIXES" de Coruña.
A emoción xa comezou coa subida ao autobús (a primeira viaxe en autobús para moitos e moitas de nós), para continuar con todo o que puidemos observar no Acuario, peixes, polbos, ourizos, estrelas de mar,... Pero sen dúbida dous dos momentos máis emocionantes foron cando vimos as focas e a quenlla Gastón.
Pasámolo xenial!!!
Este mes estiveron de aniversario Canela, Noa, Aritz e Martín.
Que maiores!
Parabéns!
Nas aulas de 3 anos, aproveitando todo o que estamos a aprender co noso proxecto sobre o inverno, fixemos un experimento que nos encantou, FIXEMOS NEVE!
Pasámolo xenial!
Hoxe, 8 de marzo, celebramos o "Día Internacional da Muller".
Nas clases de 3 anos contamos o conto "Rosa caramelo" e fixemos unhas pulseiras moi chulas para a conmemoración deste día tan importante.
O venres celebramos o último día de Entroido e puidemos vir vestidos co noso disfrace preferido.
Ademais rematamos as nosas máscaras que realizamos ao longo de todo o Entroido.
Mirade que ben posamos nas aulas de 3 anos.
Este mes celebramos os aniversarios de Pablo, Adriana, Kimberly e Martín.
Xa catro aniños.
O venres foi o gran día do Entroido, viñemos ao cole disfrazados de peregrinos e peregrinas. E con este disfrace, tan axeitado, puxémonos a andar polas rúas de Miño.
Pero antes de saír collemos moitas forzas cunha chocolatada coa que nos agasallou a ANPA.
Moitas grazas, encantounos!
Esta semana celebramos o "Día de Rosalía de Castro", nas clases de 3 anos coñecemos un pouco sobre a vida desta escritora tan representativa de Galicia pola súa defensa do pobo galego e da súa lingua.
Durante toda a semana aprendemos a poesía de "Adios ríos, adios fontes" que puidemos recitar no parque de Telle para as nosas familias.
Tamén realizamos uns cadros de Rosalía, pintados con acuarelas, cos que compuxemos un mural coa poesía que aprenderamos.
