ENTROIDO

Aquí podedes observar aos mandados do MECO para toda a semana do ENTROIDO.

 

Moitas grazas pola vosa colaboración.

CONTACONTOS ESPECIAIS

Esta semana tivemos unha visita moi especial, varios compis da aula específica viñeron ás nosas clases de 3 anos a lernos un "conto de medo" que fixeramos ente todo o alumnado do centro (pola celebración do Samaín).

Moitas grazas, fixéstelo moi ben.

 

 

PAZ

 O 30 de xaneiro conmemorouse o Día Escolar da Non Violencia e da Paz e nas clases de 3 anos ao longo de toda a semana estivemos a traballar este tema.

Nas seguintes fotos podedes observar como quedaron as nosas pombiñas da Paz.

Tamén vos deixamos unha canción que traballamos nas clases.

Recollido en youtube de picarxsdoscastros

ATA PRONTO PROFES!

 Durante o primeiro trimestre tivemos a sorte de que na clase de 3 anos A, estivo aprendendo con nós a profe Cris e na clase de 3 anos B, a profe Andrea; agora chega o momento de que continúen aprendendo na Universidade. 

A semana pasada démoslles un pequeno agasallo para que non se esquezan de nós.

 

 ATA PRONTO PROFES!

 

E claro, nós tamén aprendemos moitísimo con elas. Nas seguintes imaxes podedes observar os miniproxectos que fixemos xuntos. 

Grazas a Cris aprendemos que no Polo Norte non está só Papá Noel, tamén hai esquimós, auroras boreais, animais,...  E coa profe Andrea traballamos o noso nome, o corpo, as emocións...

 

ANIVERSARIOS DECEMBRO E XANEIRO

 A peque do cole xa ten 3 aniños, demorouse un pouco a celebración pero Alexandra xa festexou con nós o seu aniversario.

 

 Ademais este mes houbo outros cinco compis que estiveron de celebración, que maiores son xa con 4 aniños Claudia, Valeria, Leo, Rubén, Lorenzo e Lucas.

 

 

Moitos parabéns!!!

VISITA ESPECIAL!

Hoxe tivemos unha visita moi especial no cole: 

OS REIS MAGOS

Entregámoslles unha postal cos nosos mellores desexos e posamos con eles.

Fíxonos moita ilusión.

BO NADAL FAMILIAS!

CHEGA O NADAL!

 Estamos de celebración, chega o Nadal!!!

Nas aulas de 3 anos convertémonos en artistas e realizamos postais, árbores de Nadal, estrelas,...

Nas seguintes fotos podedes ver o proceso e o resultado.

VOLCÁN

 Nas aulas de 3 anos non quixemos deixar a oportunidade de traballar un pouco a temática dos volcáns dada a actualidade na que nos atopamos coa erupción do volcán da Palma.

Nestas imaxes podedes observar como realizamos un experimento no que fixemos erupcionar un volcán.

 

Tamén realizamos algún traballiño sobre a temática.